Қазақстанда неке сақиналары күрт қымбаттаған
Ұлттық статистика бюросының дерегіне сүйенсек, наурыз айының қорытындысы бойынша алтыннан соғылған неке сақиналары бір айда 5,5%-ға қымбаттаса, бір жылда 45%-ға қымбаттаған.
Астана, NEGE. Жас жұбайларға арналған сақиналардың бағасы Ұлытау облысында ең қатты қымбаттаған – бір жылдағы өсім 71%. Одан кейінгі орында 29,9% көрсеткішімен Астана және 29% көрсеткішпен Шымкент қаласы тұр.
Ал Маңғыстау облысында неке сақинасының бағасы бір жылда 14,5%-ға өскен.
Статистер Қазақстанда зергерлік бұйымдар өндірісі артып келе жатқанын атап өтеді. 2024 жылмен салыстырғанда, 2025 жылдың қаңтар–желтоқсан аралығында өндіріс көлемі 7,7%-ға өсіп, 2,7 млрд теңгеге жеткен.