Қазақстанда микроқаржылық ұйым лицензиясынан айырылды
Қаржы нарығын реттеу және дамыту агенттігі «Batys Kapital» микроқаржылық ұйымының лицензиясын тоқтатты.
Астана, NEGE. Агенттіктің мәліметінше, компания Қазақстан заңнамасының талаптарын, сондай-ақ уәкілетті орган мен Ұлттық банктің нормативтік құқықтық актілерін жүйелі түрде бұзған.
Қолданыстағы заңнамаға сәйкес, лицензиясынан айырылған МҚҰ 30 күнтізбелік күн ішінде қайта тіркеуден өтуі тиіс. Сонымен қатар, атауынан «микроқаржылық ұйым» деген сөзді және микроқарыз беру қызметін білдіретін сөздерді қолданыстан шығару қажет. Балама ретінде бизнесті қайта ұйымдастыру немесе тарату туралы шешім қабылдауға болады.
«Микроқаржы ұйымының лицензиясынан айырылуы қарыз алушыларды ұйым алдындағы міндеттемелерін уақытында және толық орындаудан босатпайды», –делінген хабарламада.
Яғни Batys Kapital компаниясының өтелмеген микроқарыздары бар клиенттері келісімшарттарды толық көлемде және белгіленген мерзімде орындауды жалғастыруы тиіс. Келісімшарт талаптарына сәйкес, төлемді кешіктіруге байланысты жауапкершілік қарастырылған.
