Қазақстанда мемлекеттік сайттар жұмыс істемей қалды

Алматы, NEGE. «Ұлттық ақпараттық технологиялар» АҚ («ҰАТ» АҚ) жағдайға түсініктеме берді.

«Мемлекеттік органдардың серверлік орталығының инфрақұрылымындағы техникалық ақауға байланысты «ҰАТ» АҚ қолдау көрсететін бірқатар қызметтер уақытша қолжетімді емес. Осы себепті eGov.kz порталының, eGov мобильді қосымшасының, «Е-лицензия» және «Ашық үкімет» порталдарының, Мемлекеттік органдардың Бірыңғай интернет-порталының және «ҰАТ» АҚ басқа да жобаларының құрамдас бөліктері уақытша жұмыс істемей тұр», – делінген хабарламада. 

Сонымен қатар, халыққа қызмет көрсету орталықтарында қызметтер уақытша тоқтап тұр.