Қазақстанда мектеп формасының бағасы тағы қымбаттады
Статистикаға сәйкес ТМД елдерінің арасында ең қымбат форма Қазақстанда сатылады. Биыл тағы да баға 15-20 пайызға қымбаттаған.
Алматы, NEGE. 2024 жылы ұл балалардың формасы 65 мың, қыздардыкі 75 мың теңгеге шыққан.Қазірден-ақ жаңа оқу жылына дайындыққа кіріскен ата-аналар биыл әр балаға мектепке дайындыққа кемі 100 мың теңгеден кеткендігін айтып отыр.
Елімізге мектеп формалары көбіне Туркия, Қытай, Қырғазстаннан жеткізіледі. Сапасы мен өндірушісіне қарай баға әртүрлі. Бірақ былтырғы құн жоқ. Сатушылардың айтуынша бұл мәселе саудагерлерге байланысты емес. Фабрикалар мен жол шығыны бағаларды шамамен 15-20 пайызға көтерген.
ТМД елдері бойынша мектеп формасы ең арзан ел-Әзірбайжанда, форма аяғынан басына дейін 11 200 теңге шығады.Тәжікстанда-15 700 теңге. Арменияда оқушы киімі – 22 000, Қырғызстанда 33 мың теңге.