Қазақстанда көлік жүргізушілері жаппай тексеріліп жатыр
Ішкі істер министрлігі бейнекамералар мен деректер базалары арқылы жол қауіпсіздігін бақылауды күшейтті.
Астана, NEGE. Ведомсвто өкілдерінің мәлімдеуінше, сақтандыру полисінің болмауы, сондай-ақ міндетті техникалық байқаудан өтпеуі әкімшілік құқықбұзушылық санатына жатады.
Қазіргі уақытқа дейін республика бойынша әкімшілік өндірістердің бірыңғай тізілімі жүйесімен интеграцияланған мемлекеттік деректер базаларының мәліметтерін пайдалану арқылы мынандай құқықбұзушылықтар анықталған:
- сақтандыру полисі жоқ 5 мыңнан астам дерек;
- техникалық байқаудан өтпеген 5,5 мыңнан астам дерек;
- қауіпсіздік белдігін тақпауға байланысты шамамен 700 құқықбұзушылық;
- сондай-ақ көлік құралын басқару кезінде телефон қолданудың 6 дерегі анықталды.
«Цифрлық шешімдер жолдағы қауіпті әрекеттерді дер кезінде анықтауға, ықтимал салдардың алдын алуға және жауапкершіліктің бұлтартпастығын қамтамасыз етуге мүмкіндік береді», – делінген ІІМ хабарламасында.
Бұл ретте полиция өкілдері жүргізушілерді сақтандыру полисінің бар-жоғын алдын ала тексеріп, техникалық байқаудан уақытылы өтіп, жолда жүру қағидаларын қатаң сақтауға шақырды.