Қазақстанда қылмыс саны 6 мыңға азайды
Үкімет сағатында ішкі істер министрі Ержан Саденов елімізде қылмыс саны 6 мыңға азайғанын айтты, деп хабарлайды Polisia.kz.
Алматы, NEGE. Қылмыс – бұл әлеуметтік құбылыс. Ол көптеген факторға байланысты. Талдау көрсеткендей, қылмыстардың үштен бірі бұрын сотталғандармен жасалады, ал жеке тұлғаға қарсы қылмыстардың 30 пайызы мас күйде жасалған.
«Қылмыс деңгейін тұрақты түрде төмендету үшін – барлық мемлекеттік орган мен қоғамның күш-жігері қажет. Бұл тәсілдер қоғаммен әріптестікте қоғамдық қауіпсіздікті қамтамасыз ету тұжырымдамасында қарастырылған. Жалпы алғанда, елдегі криминогендік жағдай тұрақты. Биыл өткен жылдың осы кезеңімен салыстырғанда қылмыс саны 6 мыңға азайды», – деді министр Ержан Саденов.
