Қазақстанда бір күнде үш орман өрті шықты
25 шілдеде Қазақстанның орман қоры аумағында үш өрт тіркелді. Оның екеуі «Бурабай» ұлттық паркінде, тағы бірі «Семей орманы» резерватында болды.
Астана, NEGE. Экология министрлігінің мәліметінше, Бурабайдағы өрттерді сөндіруге «Қазавиаорманқорғау» мекемесінің Ми-8 тікұшағы тартылды. Оқиға орнында ұлттық парк кызметкерлері мен әуе десантшылары жұмыс істеді. Олардың жедел әрекетінің арқасында өрт қысқа уақытта оқшауланды.
Ал «Семей орманы» резерватындағы шағын өрт найзағай салдарынан шыққан. Өрт ошағы қысқа мерзімде толық сөндірілді.
Мамандар өрт қаупі жоғары кезеңде табиғат аясында демалғысы келетін адамдарды қауіпсіздік ережелерін сақтауға шақырды.
