Қазақстанда бір адам көкжөтелден қайтыс болды
Қарағанды облысында көкжөтелден бір адам қайтыс болды. Бұл туралы денсаулық сақтау министрі Ақмарал Әлназарова мәлімдеді.
Алматы, NEGE. Үкіметтегі брифинг барысында Әлназарова балаларына екпе салған ата-аналар мен екпеден бас тартқан ата-аналар өз шешімінің салдары үшін ортақ жауапкершілікте болуы керек екенін айтты.
"Биыл бүкіл халықтың денсаулығы қандай екенін көрдік. Тіпті соңғы бірнеше жылда вакцина алмаған балалардың шамалы тобынан осындай ауру тарады. Өкінішке қарай, Қарағанды облысында көкжөтелден бір адам қайтыс болды. Сондықтан мен бұл жерде екпе салатын және екпе салмайтын ата-ана ретінде жауапкершілік ортақ болуы тиіс деп санаймын", - деді Ақмарал Шәріпбайқызы.
