Қазақстанда ауыз суды пайдаланатын көлік жуу орындарының жұмысына тыйым салынады
Мәжіліс жаңа Су кодексін қабылдады.
Алматы, NEGE. Бұл кодекс бойынша шағын көлік жуу орындарынан бастап ірі зауыттар мен кемелерге дейін арнайы су пайдалану рұқсатын алуға міндетті.
«Ауыз суды пайдаланып, оны кәріз жүйесіне ағызатындарға жұмыс істеуге рұқсат берілмейді. Көлік жуу орындары тек айналымдағы су жүйесі болған жағдайда ғана жұмыс істей алады», – деді депутат Павел Казанцев.
Кәсіпорындарға айналымдағы су жүйесін енгізу үшін екі жыл уақыт берілгенін Казанцев ерекше атап өтті.
