15 Сәуір 11:48
...
Қазақстанда ауылдық аудандарды ТЖ-дан қорғауға арналған жаңа бағдарлама іске қосылды
Ауылдық аудандарды төтенше жағдайлардан қорғау деңгейін арттыру үшін «Ауыл құтқарушылары» ведомстволық бағдарламасы іске қосылды.
Алматы, NEGE. Төтенше жағдайлар вице-министрі Кеген Тұрсынбаевтың мәліметі бойынша, жаңа форматта Қарағанды облысының Красная поляна, Ақмола облысының Қызылсуат, Батыс Қазақстан облысының Жарсуат, Алматы облысының Матыбұлақ және Абай облысының Глуховка ауылдарында бес өрт сөндіру бекеті ашылды.
Бұл бекеттер қажетті техникамен, жабдықтармен және нысанды киім-кешекпен қамтамасыз етілген, сондай-ақ еріктілерді орналастыру үшін жағдайлар жасалған.
Сондай-ақ, барлық қолданыстағы бекеттерде кезең-кезеңімен жөндеу жүргізу жоспарлануда.
Еліміз бойынша жыл бойы төрт жүзге жуық өрт сөндіру бекеттері жұмыс істейді. Министрлік оларға 185 бірлік өрт сөндіру техникасын беруге дайын.
