Қазақстанда 660 мыңнан астам адам ұлттық спорт түрлерімен айналысады

АЛМАТЫ, NEGE. Бұл – елдегі дене шынықтыру және спортпен шұғылданатындардың 9,6 пайызынқұрайды (2023 жылы – 619,2 мың адам немесе 8,7%).

Ұлттық спорт түрлері бойынша жаттықтырушылар саны – 1781 адам, оның ішінде 1004-і ауылдық жерлерде жұмыс істейді.

2018–2024 жылдар аралығындағы өсім динамикасы:

• 2018 жыл — 375 926 адам

• 2019 жыл — 399 357 адам

• 2022 жыл — 432 457 адам

• 2023 жыл — 619 200 адам

• 2024 жыл — 660 000-нан астам адам

Ең танымал ұлттық спорт түрлері:

• қазақша күрес

• тоғызқұмалақ

• асық ату

• көкпар

• бәйге

• теңге ілу

• жамбы ату

• аударыспақ

• құсбегілік

• дәстүрлі садақ ату

• жекпе-жек және т.б.

Ұлттық спортты дамыту мақсатында еліміздің өңірлерінде 15 балалар мен жасөспірімдер спорт мектебі мен 17 мамандандырылған клуб жұмыс істейді. Сонымен қатар жыл сайын 1000-нан астам ұлттық спорт түрі бойынша жарыстар ұйымдастырылады.