Қазақстанда 600 мыңнан астам педагог бар
Елдегі барлық білім беру ұйымында 600 мыңнан астам педагог бар. Оның шамамен 400 мыңы мектепте жұмыс істейді.
Алматы, NEGE. Былтыр 1800-ге жуық «Алтын белгі» иегері мұғалім мамандығына оқуға түскен.
Ал биыл 2 мыңнан астам үздік түлек білім саласын таңдады. Одан бөлек ел аумағында мектеп директорларының тапшылығы 3 есе азайды. Бұл көрсеткішке «Білім берудегі өзгерістердің 1000 көшбасшысы» жобасы ықпал етті. Президенттік жастар кадр резервінің үлгісінде жасалған жоба нәтижесінде 2023-2024 жылдары 583 педагог резервист атанды. Биыл тағы 428 үміткер оқудан өтті. Бүгінге дейін 400-ден аса директор осы бағдарлама бойынша жұмысқа тұрған.
40 «Келешек мектебінде» жоба қатысушылары басқарып отыр. Кәсіби мереке қарсаңында 100-ден астам маман Оқу-ағарту министрлігінің алғыс хатымен марапатталды.
