Қазақстандағы қарттар үйлерінде ер адамдар әйелдерге қарағанда көбірек
Үкімет басшысы Олжас Бектенов Қазақстанда 45 қарттар үйі жұмыс істейтінін айтты.
Астана, NEGE. Қазір ол жерде 3 547 зейнеткер тұрады. Олардың 2 058 (58%) – ерлер, 1 489 (42%) – әйелдер.
Бектеновтің айтуынша, қазіргі стационар ұйымдарына балама ретінде жартылай стационарда және үй жағдайында қызмет көрсету бар.
«Сонымен қатар елде үйде әлеуметтік көмек көрсететін 134 бөлімше жұмыс істейді, олар 28 мыңнан астам жалғызбасты қарияларды қамтып отыр. Осылайша, қолданыстағы инфрақұрылым аталған санаттағы адамдардың қажеттілігін қазіргі уақытта толық өтеп отыр», – деп хабарлады премьер-министр.
2024 жылғы көрсеткіш бойынша Қазақстанда орташа өмір сүру ұзақтығы 75 жылды құрайды.