Қазақстанда 2028 жылдан бастап тағы бір «донор» өңір пайда болады
Жалпы отырыста Мәжіліс депутаты Еркін Әбіл 2026 – 2028 жылдарға арналған жалпы сипаттағы трансферттердің көлемі туралы қосымша баяндама жасады.
Алматы, NEGE. Ол жалпы сипаттағы трансферттердің көлемін қалыптастыру жаңа Бюджет және Салық кодекстерінің нормаларын ескере отырып жүзеге асырылғанын айтты.
Мәжілісменнің айтуынша, 2028 жылдан бастап Маңғыстау облысы өндіруші сектор мен өнеркәсіптен түсетін салық түсімдерінің ұлғаюына байланысты «донор» өңір мәртебесін қалпына келтіреді, ал Павлодар облысы өзін-өзі қамтамасыз ететін өңірлердің қатарына кіретін болады. Осылайша, алдағы үш жылда елімізде 4 «донор» өңір және өзін өзі қамтамасыз ететін бір өңір болады. Сондай-ақ Еркін Әбіл заң жобасын талқылау барысында анықталған бірқатар проблемалық мәселеге тоқталды.
Олар өңірлердегі аяқталмаған жобаларға республикалық бюджеттен бөлінетін қаражаттың жетіспеушілігі, өңірлер арасындағы алшақтықтың қысқармауы, инфрақұрылым бойынша әкімдіктердің жалған дерек беруі.
Осы мәселелерді шешу мақсатымен Мәжіліс депутаттары өңірлерге бөлінетін субвенциялар көлемін 16,5 млрд теңгеге ұлғайту туралы шешім қабылдады.
