Қазақстан және Ресей жұлдыздарының 9 мамырға арналған құттықтауы

Алматы, NEGE. Ерекше құттықтау идеясын қазақстандық Даут Шайхисламов, Мәлік Хасенов және Санат Шапашовтар бастаған. Олар Мәскеудегі КВН-нің жоғарғы лигасында бір командада ойнап, дос болып келеді.

Ән айтқандардың арасында Александр Розенбаум, Николай Расторгуев, Гарик Сукачев, Сергей Безруков, Валерий Меладзе, Владимир Пресняков, Евгений Маргулис, Григорий Лепс, Нұрлан Абдуллин, Ринат Гайсин, Леонид Якубович, Александр Ревва, Алексей Голубев, Владимир Кристовский, Валерий Сюткин бар.

Сондай-ақ роликке Батырхан Шүкеновтің әнді орындаған кезінен үзінді қосылыпты. "Әнді осы үзіндімен аяқтап, біздің аңыз әншіміз Батырдың рухына тағзым етеміз", - деді Даут Шайхисламов.

"Бастамаға қолдау көрсеткендердің барлығы - аңыз адамдар, нағыз музыканттар. Олармен ұзақ сөйлесіп, көндіруге тура келмеді, керісінше, идеяны айттық және олар бізге сенді", - деді Даут Шайхисламов.