Қазақстан ұшақ жолаушыларынан COVID-19 анықтамасын талап етпейтін болды
Қазақстан ұшақ жолаушыларынан COVID-19 тестінен өткені жайлы анықтама талап етуді тоқтатты. Бұл туралы көлік саласындағы бас мемлекеттік санитар-дәрігер Сәдуақас Байғабылов хабарлады.
Алматы, NEGE. Байғабыловтың сөзінше, оған 1 мамыр мен 10 мамыр арасында ұшқан жолаушылар мен ұшқыштардан коронавирус табылмағаны себеп болған.
Мамырдың 1-інен бастап Нұр-Сұлтан мен Алматы, кейіннен басқа да бірнеше қала арасында әуе рейстері қайта ашылып, COVID-19 тестінен өткені туралы анықтамасы бар жолаушыларға ғана ұшуға рұқсат берілген.
Қазақстанда коронавирус пандемиясына байланысты жарияланған төтенше жағдай режимі аяқталды. Соңғы мәлімет бойынша, Қазақстанда коронавирус жұқтырғандар 5138 адамға жетті. 1941 адам жазылды. 31 адам қайтыс болды.
Қазір оқып жатыр
Жамбыл облысында 25 жастағы жігітті атып кетті: күдікті қамауға алынды
«Заң және тәртіп» қағидатының нақты жүзеге асуы тәуелсіз сот жүйесіне байланысты – сарапшы
«Қауіпті қылмыстық топ мүшелері атып кетті»: Жамбыл облысында жас жігіт оққа ұшты
Алматыдағы колониялардың бірінде екі адам қаза тапқаны туралы ақпарат тарады
