Қазақстан шұғыл түрде 3 миллионнан астам медициналық бетперде сатып алады
Қазақстандағы ауруханалар үшін шұғыл түрде медициналық бетперде сатып алынуда. Бұл туралы 28-қаңтарда Нұр-Сұлтан қаласында өткен брифингте Қазақстанның бас санитарлық дәрігері Жандарбек Бекшин хабарлады.
Алматы,NEGE. «Ауруханалар үшін біз шұғыл түрде әртүрлі медициналық бетперде сатып алудамыз. Атап айтқанда: 2,5 миллион медициналық бетперде мен 1,3 миллион респираторлы бетпердеге, бір реттік және кәсіби қорғаныш киімдеріне, диагностикалық аппаратуралардың керек-жарағына тапсырыс берілді», - деді Бекшин.
Одан бөлек, ауыр науқастарды тасымалдауға арналған 30 капсула мен науқасты қашықтан анықтайтын қосымша 33 құрал сатып алынатыны белгілі болды. Сонымен бірге отандық өнім өндірушілерге дәкеден жасалатын қарапайым бетпердені көптеп өндіру туралы ұсыныс айтылды. Жандарбек Бекшин Қытай халық республикасынан 6-қаңтардан кейін елге оралғандардың бәрі анықталғанын, олардың бәрін дәрігерлер бақылауда ұстап отырғанын жеткізді.
Қазір оқып жатыр
Спорт министрлігі: «Асаубаеваның дайындығына 2026 жылы 100 млн теңге бөлінді»
«Ақ үйде досыңыз бар деп айта аламын»: Тоқаев Трамптың арнайы өкілімен кездесті
2025 жылға арналған барлық әлеуметтік міндеттеме орындалды – Мәди Такиев
Шахматшы Бибісара Асаубаева Спорт министрлігіне шағымданып Тоқаевтан көмек сұрады
