«Қазақстан» шахтасында қаза тапқан үшінші кеншінің денесі табылды
"АрселорМиттал Теміртау" АҚ баспасөз қызметі "Қазақстан" шахтасында өртте қаза тапқан үшінші кеншінің денесі табылғанын мәлімдеді.
Алматы, NEGE. Компанияның баспасөз қызметінің хабарлауынша, марқұмның жеке басы әлі анықталған жоқ.
"Үшінші кеншінің мәйіті табылды. Қазіргі уақытта жеке басын анықтау жұмыстары жүргізілуде. Марқұмның әріптестері, компанияның бүкіл ұжымы мезгілсіз қайтыс болған жолдастың туған-туыстары мен жақындарына қайғыларына ортақтасып, көңіл айтады", - делінген хабарламада.
