Қазақстан Орталық Азия елдері мен Ресейге экспортты ұлғайта алады
Қазақстан Орталық Азия елдері мен Ресейге экспортты ұлғайта алады. Бұл туралы Мемлекет басшысы Қасым-Жомарт Тоқаев «Орталық Азия – Ресей» саммитінде айтты, деп хабарлайды ҚазАқпарат.
Астана, NEGE. «Қазіргі уақытта өндірістеріміздің дамуымен бірге өзара тиімді негізде шетелдік өнімдердің көптеген түрлерінің орнын баса аламыз. Экспорттық және импорттық операцияларды талдау осы бағыттағы кең мүмкіндіктерді көрсетіп отыр», - деді Мемлекет басшысы.
Қ. Тоқаев Қазақстанның Орталық Азия елдеріне экспортты 1 млрд долларға дейін арттыруға дайын екенін жеткізді.
«Сонымен бірге, біз Ресей Федерациясына жеткізілетін қазақстандық өнімді 1 млрд доллардан аса ұлғайта аламыз. Өңірдің басқа мемлекеттерінде де осындай ресурстар бар екеніне сенімдімін», - деді Президент.
