15 Тамыз 13:51
...
Қазақстан мен Қытай шекарасындағы «Бақты» өткізу пункті үш күнге жабылады
2023 жылдың басынан бастап Еуразиялық экономикалық одақ кедендік шекарасының қазақстандық учаскесінде орналасқан өткізу пункттерін жаңғырту және техникалық жете жарақтандыру жөніндегі жоба шеңберінде Қазақстан-Қытай шекарасында орналасқан «Бақты» автомобиль өткізу пункті қайта жаңартылады.
Алматы, NEGE. Жұмыстарды жүргізу кестесі бойынша 2023 жылғы 18-20 тамыз аралығында өткізу пунктінің автомобиль жолы арқылы өтетін сыртқы желілерін төсеу жоспарланған.
Осыған байланысты, Комитет жоғарыда аталған жұмыстарды жүргізу барысында автокөлік құралдарының жүруіне мүмкіндік болмағандықтан, 2023 жылғы 18-20 тамыз аралығында «Бақты» өткізу пунктінің жабылатыны туралы хабарлайды.
«Бақты» өткізу пунктінің ашылуы 2023 жылғы 21 тамызға жоспарланып отыр.
