Спорт
Қазақстан құрамасы алғаш рет Билли Джин Кинг кубогының финалына шықты
16 сәуірде Қазақстан мен Германияның бірінші ракеткалары Елена Рыбакина мен Анжелика Кербер Билли Джин Кинг кубогында сынға түсті, деп хабарлайды Zakon.kz.
Алматы, NEGE. Билли Джин Кинг кубогының екінші ойын күні екі команданың көшбасшылары – Елена Рыбакина мен Анжелик Кербер арасындағы жеке разрядтық кездесумен басталды. Әйелдер арасындағы әлемдік рейтингте оларды тек екі орын ғана бөліп тұр. Қазақстандық спортшы 19-шы орында болса, ал неміс теннисшісі - 17-ші орында.
Бастапқы сетте Анжелик Кербер жеңіске жетті - 6:4, Елена Рыбакина екінші партияда есепті теңестірді - 6:3, ал ойынның шешуші бөлігінде қазақстандық ойыншы жақсы өнер көрсетіп, 7:5 есебімен жеңіске жетті.
Осылайша Қазақстан есепті 3:0-ге жеткізіп, Билли Джин Кинг кубогының (командалық әлем чемпионаты) финалдық кезеңіне жолдама алды.