Қазақстан Қытайға гуманитарлық көмек жеткізді
Бұл туралы Қазақстан Республикасы премьер-министрінің ресми ақпараттық ресурсы хабарлады. 2 ақпанда Қазақстан Республикасының президенті Қ.Тоқаевтың тапсырмасымен жасақталған гуманитарлық көмек Қытай Халық Республикасына жеткізілді.
Алматы, NEGE. 13,6 тоннаны құраған гуманитарлық көмек түрлі медициналық бұйымдардан тұрады. Бұған дейін президент Қ.Тоқаев ҚХР басшысы Си Цзипиньге Қазақстанның көршісіне көмектесуге әзір екенін жеткізген еді.
Сонымен бірге Қазақстанның әуе компаниялары Қырғызстан, Беларусь және Армения елдері билігінің өтінішімен осы елдердің де азаматтарын Қытайдың Ухань қаласынан эвакуациялаған.
Үкіметтің қаулысымен коронавирусқа қатысты барлық қажетті ақпаратты ұсыну үшін тәулік бойы 1406 сall-орталығы іске қосылды.