Қазақстан картопы тиелген вагондар Өзбекстан аумағына өткізілді
Қазақстан шекарасынан экспортқа жіберілмеген картоп тиелген вагондар Өзбекстан аумағына 28 қаңтарда өткізілді, деп хабарлайды ҚР Қаржы министрлігі Мемлекеттік кірістер комитеті.
Алматы. NEGE. Хабарламаға сәйкес, аталған картоп өнімдері ел аумағынан жекелеген азық-түлік өнімдерін экспортқа шығаруға салынған тыйым күшіне енбей тұрып рәсімделген.
«28 қаңтардағы жағдай бойынша, шығаруға салынған тыйым күшіне енгенге дейін ресімделген картоп өнімі бар вагондардың Қазақстан Республикасы аумағынан Өзбекстан Республикасына шығарылғанын хабарлаймыз», - делінген ведомство мәліметінде.