Қазақстан халқы қарызға батып барады
Қазақстан жұртшылығы бір айдың ішінде ғана еліміздегі банктерден 346 млрд теңге несие алыпты. Оның 320 млрд теңгесі ұзақ мерзімге берілсе, 25 млрд теңгесі қысқа мерзімге берілген.
Алматы, NEGE. Бұл туралы ҚР Ұлттық банкіне сілтеме жасап zakon.kz хабарлады.
Қазақстанда 2020 жылдың қаңтар айында банктер халыққа 346 млрд теңгенің тұтынушылық несиесін берді. Оның 320 млрд теңгесі ұзақ мерзімді және 25 млрд теңгесі қысқа мерзімді және 0,5 млрд шетел валютасымен қысқа мерзімге берілді, делінген хабарламада.
Биылғы тұтынушылық несиенің 131 млрд теңгесі Алматыда (38%), 30 млрд теңгесі Нұр-Сұлтанда (9%), 24 млрд теңгесі Шымкентте (7%), 20 млрд теңгесі Қарағанды облысында (6%) берілген.
Сонымен бірге, шетел валютасы түрінде берілген қысқа мерзімді тұтынушылық несиелер тек Алматы қаласы (472 миллион теңгеге) мен үш аймаққа тиесілі: Алматы облысына (17 миллион теңгеге), Солтүстік Қазақстан облысына (15 миллион теңгеге) және Ақмола облысына (11 миллион теңге).