Қазақстан және ОПЕК+ қатысушылары мұнай өндіру көлемін арттыруға келісті
7 маусымда өткен виртуалды кездесуде ОПЕК+ ұйымының жеті қатысушысы шілде айынан бастап мұнай өндіру көлемін тәулігіне 188 мың баррельге ұлғайту жөнінде шешім қабылдады.
Астана, NEGE. Қазақстан, Сауд Арабиясы, Ресей, Ирак, Кувейт, Алжир және Оман өндіріс көлемін түзетіп, нарық тұрақтылығын сақтауға дайын екенін растады.
«Мұнай нарығының тұрақтылығын қолдау жөніндегі ұжымдық міндеттеме аясында жеті қатысушы ел 2023 жылғы сәуірде жарияланған қосымша ерікті түзетулермен салыстырғанда өндіріс көлемін тәулігіне 188 мың баррельге түзету туралы шешім қабылдады. Бұл өзгеріс 2026 жылғы шілдеде іске асырылады. 2023 жылғы сәуірде жарияланған қосымша ерікті түзетулер нарықтағы жағдайдың өзгеруіне қарай кезең-кезеңімен ішінара немесе толықтай жойылуы мүмкін», – делінген ұйым сайтында жарияланған хабарламада.
ОПЕК+ құрамындағы жеті ел бұл шара қатысушы мемлекеттерге өтемақы төлеу міндеттемелерін жеделдетіп орындауға мүмкіндік беретінін атап өтті. Сондай-ақ олар 2024 жылғы қаңтардан бері өндірілген кез келген артық мұнай көлемін толық өтеуге ниетті екенін растады. Өтемақы төлеу мерзімі 2026 жылғы желтоқсанның соңына дейін ұзартылды.
Қазір оқып жатыр
Әл-Фарабидегі жол апаты: үшінші жәбірленуші тарап та Александр Пакқа кешірім берді
Киевте қазақстандықтарды есірткі бизнесіне тартып келген call-орталықтар жабылды
Нұргүл Ертаеваның Алматыдағы коттеджі 1,5 млрд теңгеге сатылды
Қазақы тазы Болоньяда өткен World Dog Show 2026 көрмесінде салтанатты түрде таныстырылды
