Қазақстан триатлоншылары Азия кубогында екі жүлде жеңіп алды
Малайзияның Кампар қаласында өтіп жатқан жастар арасындағы Азия кубогында Қазақстан құрамасы екі бірдей жүлдені еншіледі. Құрлықтық дода 19-20 шілде күндері өтуде.
АЛМАТЫ, NEGE. Жарыстың алғашқы күнінде ел намысын қорғаған екі спортшы жеңіс тұғырынан көрінді. Рамазан Айнегов 58 минут 46 секунд көрсеткішпен мәреге бірінші болып жетіп, алтын жүлде иеленді. Ал Елмұрат Қанай 59 минут 2 секунд нәтижемен үшінші орынды місе тұтты. Екінші орын түркиялық Сеймур Энтониге бұйырды — 58 минут 56 секунд.
Айта кетейік, Азия кубогына 15 елден 60-тан астам спортшы қатысып жатыр.