Қазақстан ТМД мәдени ынтымақтастық кеңесінің отырысына қатысты
Санкт-Петербургте ТМД-ға мүше мемлекеттердің мәдени ынтымақтастық кеңесінің XXXIX отырысы өтті. Оған ҚР Мәдениет және ақпарат вице-министрі Ербол Әліқұлов қатысты.
Алматы, NEGE. Кеңес отырысы барысында екінші дүниежүзілік соғыстың 80 жылдығын мерекелеуге дайындық, «Достастықтың мәдени астаналары» мемлекетаралық бағдарламасын іске асыру, сондай-ақ кинематография саласындағы ынтымақтастықты дамыту перспективалары және басқа да мәселелер талқыланды.
«Мәдениет – біздің халықтар арасындағы өзара түсіністік пен сенімді арттыруға және дамытуға көмектесетін алтын көпір. Бүгінгі кездесу байланыстарды нығайтып, бірлесе жұмыс істеу үшін жаңа көкжиек ашу арқылы жан-жақты ынтымақтастықты арттыруға ықпал ететініне сенімдімін»,– деді вице-министр.
Отырыс қорытындысы бойынша қатысушылар мәдени байланыстарды нығайтуға ықпал ететін ортақ мәдени бағдарламалар мен іс-шараларды іске асыру бойынша жұмысты жалғастыруға дайын екендіктерін білдірді.
Іс-шара соңында ТМД-ға мүше мемлекеттердің мәдениет және өнер фестивалі өтті, онда елдердің шығармашылық ұжымдары мен орындаушылары өнер көрсетті.
