«Қазақстан – орыстілді мемлекет» – Бапкер Станислав Черчесов НЕГЕ Қазақстан құрамасын таңдағанын айтты
Ресейлік бапкер Станислав Черчесов футболдан Қазақстан ұлттық құрамасын жаттықтыруға неге келіскенін айтты, деп хабарлайды Сhampionat.com .
Алматы, NEGE. 3 маусымда Станислав Черчесов футболдан Қазақстан ұлттық құрамасының бас бапкері болып тағайындалды.
«Сізге Қазақстанның ұсынысы неліктен қызық болды?», деген тілші сұрағына Станислав Черчесов жауап берді.
«Ұсыныстардың қайдан келгенін айтпай-ақ қояйын. Бірақ қайтадан шетелдік ортада жұмыс істегім келмеді. Оған қарсы ештеңем жоқ. Бірақ мен Мажарстанда екі жыл жұмыс істедім, онда ағылшын және неміс тілдерінде сөйлесуге тура келді. Ал мен орыстілді ортада жұмыс істегім келді. Сосын Ресейге жұмыс істеуге келдім. Дегенмен, Қазақстан – орыстілді ел, біз КСРО-да өстік. Сондықтан бұл жерде мен үшін ешбір айырмашылық жоқ», – деді бас бапкер
