Спорт
Қазақстан құрамасы садақ атудан Азия кубогының финалына шықты
Садақ атудан Сингапурда өтіп жатқан Азия кубогының кезеңінде Қазақстан ерлер құрамасы финалға жолдама алды.
Алматы, NEGE. Блоктық садақ атудан командалық сында ел намысын Андрей Тютюн, Ділмұхамед Мұса және Бунед Мирзаметов қорғауда.
Ширек финалда ұлттық құрама Филиппин командасынан 229:223 есебімен басым түсті.
Ал жартылай финалда мергендеріміз Малайзияны бір ұпай айырмашылығымен – 232:231 есебімен жеңіп, шешуші кезеңге жолдама алды.
Финалда Қазақстан құрамасы Үндістанмен кездеседі.