Қазақстан құрамасы Азия чемпионатында төртінші орын алды
Азия чемпионатында Қазақстан құрамасы 6 медаль жеңіп алып, жалпыкомандалық есепте төртінші орынға тұрақтады.
Алматы, NEGE. Оңтүстік Кореяның Гуми қаласында өткен жеңіл атлетикадан Азия чемпионатында Қазақстан құрамасы 6 медаль жеңіп алды, деп хабарлайды Қазақстанның Ұлттық Олимпиадалық комитеті.
Екі алтын медаль
- 3000 метрге тосқауылмен жүгіру мен 5000 метр қашықтықта Нора Джеруто қарсылас шақ келтірмей, екі алтын медаль иеленді.
- 10 000 метрге жүгіруден Дейзи Джепкемей алтын медаль жеңіп алса, 3000 метрге тосқауылмен жүгіруден қола медаль иеленді.
Күміс пен қола алғандар
- Биіктікке секіруден Елизавета Матвеева күміс жүлдені еншіледі.
- 20 шақырымдық спорттық жүрістен Ясмина Токсанбаева қола жүлдегер атанды.
Қазақстан құрамасы Катармен тең көрсеткішке ие болып, төртінші орынды иеленді.
Чемпионат көшбасшылары:
- Қытай — 19 алтын, 9 күміс, 4 қола
- Үндістан — 8 алтын, 10 күміс, 6 қола
- Жапония — 5 алтын, 11 күміс, 12 қола
