Қазақстан «қара жәшікті» Бразилияға жіберді
Авиациялық оқиғаны тергеу Комиссиясы Бразилияға ұшып кетті, деп хабарлайды ҚР Көлік министрлігінің баспасөз қызметі.
Алматы, NEGE. «Борттық өздігінен жазғыштар Бразилияның авиациялық апаттарды тергеу және алдын алу орталығына (CENIPA) жеткізіледі», – делінген хабарламада.
Естеріңізге сала кетейік, ИКАО ұсынымдарын ескере және Әзербайжан мен Ресейдің авиациялық билік өкілдерімен кеңесе отырып, ҚР Көлік министрі Марат Қарабаев басқаратын авиациялық оқиғаны тергеу жөніндегі Комиссия қара жәшіктерді Embraer әуе кемесін шығарушы Бразилияның авиациялық оқиғаларды тергеу және алдын алу орталығына (CENIPA) жіберу туралы шешім қабылдаған болатын.
CENIPA орталығында қажетті техникалық мүмкіндіктер қарастырылған, тиісті құралдармен жабдықталған және оларды оқу үшін сертификатталған зертхана бар.
Бұл мәселе Мемлекет басшысының жеке бақылауында.