Қазақстан Дубайда отандық тауарларды ұсынатын тұрақты павильон ашады
Сондай-ақ Қазақстан 40 тауар позициясы бойынша 233,5 млн доллар сомасына шикізаттық емес тауарлардың экспортын ұлғайтуға дайын.Бұл туралы сауда және интеграция министрі Арман Шаққалиев Біріккен Араб Әмірліктерінің Қазақстандағы төтенше және өкілетті елшісі Мұхаммед Саид Мұхаммед Әл-Арикимен өткен кездесуде мәлімдеді.
Алматы, NEGE. Кездесу барысында тараптар 2024 жылғы 26-29 ақпанда Абу-Дабиде өтетін Дүниежүзілік сауда ұйымының 13-ші конференциясын өткізу мәселесін талқылады.
Арман Шакқалиевтің айтуынша, БАӘ-ге сауда-экономикалық миссия аттанады, ол EXPO Dubai аумағындағы Қазақстанның Ұлттық павильонында ашылады.
Оған 30 қазақстандық компания, тауарлар мен қызметтерді өндірушілер қатысады. Миссия шеңберінде қазақстандық тауарлардың тұрақты жұмыс істейтін көрме-демонстрациялық алаңы, сондай-ақ IT және мұнай сервистік компаниялар үшін co-working space ашылады, деді Шаққалиев.
Министр Біріккен Араб Әмірліктері Қазақстанның маңызды сауда серіктестерінің бірі екенін атап өтіп, Қазақстан 40 тауар позициясы бойынша 233,5 млндоллар сомасына шикізаттық емес тауарлар экспортын ұлғайтуға дайын екенін атап өтті.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
