Қазақстан боксшылары әлем чемпионатына дайындықты бастады
Қазақстанның ұлттық бокс құрамасы әлем чемпионатына дайындықты Алматы облысында бастады. Жиынға әр салмақ дәрежесінен үздік төрт спортшы шақырылған.
Алматы, NEGE. Команда 26 тамызда Ұлыбританияға аттанып, Шеффилд қаласында бірлескен оқу-жаттығу жиынына қатысады. Оған Франция, Швеция, Германия, АҚШ, Үндістан және тағы басқа елдердің құрамалары келмек.
Қазақстан ерлер құрамасының бас жаттықтырушысы Қайрат Сәтжановтың айтуынша, әлем чемпионатына баратын толық құрама әлі жасақталмаған. Бірнеше салмақтағы боксшыларды осы дайындық жиындарында анықтайды.
Әлем чемпионаты 4–14 қыркүйек аралығында Англияның Ливерпуль қаласында өтеді.