Қазақстан батуттағы гимнастикадан Әлем кубогы кезеңінде қола медаль жеңіп алды
Қазақстан құрамасы батуттағы гимнастикадан Варнада (Болгария) өтіп жатқан Әлем кубогы кезеңінде жүлдегер атанды.
Алматы, NEGE. Аралас синхронды секіруде қазақстандықтар жеңіс тұғырының үшінші сатысына көтерілді.
Бұл сында Виктория Бутолина мен Ерлан Тасмағамбетов 49.680 ұпай жинап, жүлдеге ие болды.
Бірінші орынды жапониялық Юсей Мацумото мен Хикару Мори (50.330) иеленсе, ресейлік Данила Касимов пен Анжела Бладцева 50.290 ұпаймен екінші орынға табан тіреді.
