Қазақстан алғаш рет United Cup турнирінің жартылай финалына өтті
Аустралияда өтіп жатқан United Cup турнирінде Қазақстан құрамасы Германияны жеңіп, жартылай финалға жолдама алды. Бұл жеңіс Қазақстанның теннис тарихында үлкен жетістік.
Алматы, NEGE. Екінші жекелей сында Германияның әлемнің 2-ракеткасы Александр Зверев ойнамай қалды, оның орнына рейтингте 254-орында тұрған Даниэль Мазур шықты. Мазур Шевченкоға қарсы алғашқы партияда 7:6 (7:5) есебімен жеңіске жетті.
Алайда, Шевченко кейін кері қайтып, жартылай финалға жолдама алу үшін қажетті ұпайларды жинай алды. Ол 6:2, 6:2 есебімен жеңіске жетті.
Тартысты матч екі сағат 15 минутқа созылды. Шевченко 11 эйспен бірге 12 брейк-пойнттың бесеуін пайдаланды. Ал Мазур 4 эйс және 1 брейкпен (5 брейк-пойнт) шектелді.
Есеп 2:0 болып, Қазақстан құрамасы өткен жылғы чемпионды жеңіп, алғаш рет жартылай финалға шықты.
Еске сала кетейік, бұған дейін Елена Рыбакина Германиямен матчта Қазақстанды алға шығарған болатын.