«Қазақмысқа» жаңа басшы келді
Руслан Өскенәлі «Қазақмыс корпорациясы» ЖШС басқарма төрағасы болып тағайындалды, деп хабарлайды корпорацияның баспасөз қызметі.
Астана, NEGE. Руслан Өскенәлі 1984 жылы дүниеге келген. Әл-Фараби атындағы Қазақ ұлттық университетін «Халықаралық құқық» мамандығы бойынша тәмамдаған, сондай-ақ Woodbury University жоғары оқу орнында MBA дәрежесін алған.
Ол әр жылдары «Қазақмыс» корпорациясы, Alstom және General Electric, сынды ірі халықаралық және ұлттық компанияларда басшылық лауазымдарда қызмет атқарған.
2024 жылдың наурыз айынан бастап Qarmet компаниясында жабдықтау жөніндегі директор қызметін атқарған.
Айта кетейік, Qazaq Stroy компаниясының иесі Нұрлан Артықбаев «Қазақмыстың» жаңа акционері атанған еді.