27 Желтоқсан 09:51
«ҚАЗАҚМЫС» кенішінде жұмысшы ҚАЗА тапты
![](/static/img/plug.jpg)
Ұлытау облысындағы «Жыланды» кенішінде 31 жастағы жұмысшы қаза тапты.
Алматы, NEGE. ««Қазақмыс» компаниялар тобы Ұлытау облысында орналасқан «Жыланды» кенішінде 26 желтоқсан күні қайғылы оқиға болғанын хабарлады.
Сағат 18.30-да шахта учаскелерінің бірі – «Шығыс Сары-Обада» өздігімен жүретін жерасты машинасы өндіріс орнындағы жұмыс барысында 1992 жылы туған жұмысшыны абайсызда басып кетті. Оқиға салдарынан жұмысшы ауыр жарақаттар алып, көз жұмды.
Арнайы комиссия жазатайым оқиғаның мән-жайы мен себебін анықтап жатыр.
«Қазақмыс» компаниясының басшылығы мен еңбек ұжымы қаза болған жұмысшының туыстары мен жақындарына көңіл айтады», – делінген компания мәлімдемесінде.