«Қазақмыс» зауытынан екі тоннадан астам шикізат ұрлағандар сотталды
Ұлытау облыстық сотында «Қазақмыс» зауытынан құрамында мыс бар шикізат ұрлау ісі бойынша алты адамнан құралған қылмыстық топқа қатысты үкім шықты.
Астана, NEGE. Сот кабинетіндегі мәліметке сәйкес, қылмыс 2025 жылдың наурыз айында жасалған. Күдіктілер корпорацияға тиесілі Жезқазған мыс балқыту зауытының қож үйіндісі аумағына заңсыз кірген.
Олар құрамында мыс бар 2,1 тонна материалды ұрлаған. Шикізат жалға алынған қоймаға жеткізіліп, кейін сату үшін Теміртау қаласына тасымалданған. Салдарына кәсіпорынға 3,5 млн теңгеден астам шығын келген.
Ұрланған жүкті түсіру кезінде қылмыскерлерді Ұлттық қауіпсіздік комитетінің қызметкерлері ұстаған.
Сот барысында айыпталушылар кінәсін толық мойындап, прокуратурамен процестік келісім жасаған. Оларға 3,5 жылға бас бостандығын шектеу жазасы тағайындалды. Кейін рақымшылыққа ілініп, жаза мерзімі 2 жыл 4 айға дейін қысқартылды.
Кәсіпорынға келтірілген шығын толық өтелді.
Қазір оқып жатыр
Әл-Фарабидегі жол апаты: Zeekr жүргізушісі 10 жылға бас бостандығынан айырылды
ҰБТ басталған алты аптаның ішінде 624 талапкердің нәтижесі жойылған
CTS Астанадағы LRT-ның келесі кезеңіне Қытай биржасынан инвестиция тартыла ма?
Мәжіліс төрағасы Брест қамалы музейіне Хиуаз Доспанованың мүсінін сыйға тартты
