Қазақ елшілігі Қытайдағы ҚР азаматтарына үндеу жолдады

Алматы, NEGE. Елшіліктің Facebook-тегі  парақшасында былай жазылған:

Құрметті Қытай аумағындағы Қазақстан азаматтары! Қытай аумағында таралып жатқан коронавирустың (2019-nCoV) жаңа түрінен туындаған айрықша эпидемиялық жағдайға байланысты, ҚХР-дағы Қазақстан Республикасының Елшілігі егер сіз Ухань қаласында немесе Қытай аумағының басқа да қалаларында болсаңыз, kaz_embassycn@mail.ru электрондық мекен-жайға келесі ақпаратты жіберулеріңізді сұрайды: аты-жөні, ұялы телефон нөмірі, болу мақсаты және дәл қазіргі уақыттағы нақты орналасу мекен-жайы (қай қала,аудан).
Ақпарат үшінші жаққа таратылмайды және төтенше жағдайда қажеттілік туындағанда қолданылады.
Сонымен қатар, төтенше жағдайларға байланысты келесі телефон нөмірі бойынша Елшілікке хабарласуларыңызды сұраймыз: +86 1065324189.