Қазақ жігіті Лондонда мэр болып сайланды
Қазақстаннан шыққан Санжар Әбішев Лондондағы Сент-Джеймс ауданының мэрі болып сайланды.
Астана, NEGE. Сүйінші хабарды кәсіпкер Қанат Көпбаев Instagram желісіндегі парақшасында жеткізді. Ол сайлау нәтижесі жарияланған сәттен видео жариялап, досын жеңісімен құттықтаған.
Ол сайлауда Консервативті партия өкілі ретінде бәсекелесі – лейбористерден оза шығып, бәселекесінен 350 дауыс артық жинаған.
Қанат Көпбаевтың мәлімдеуінше, Санжар Әбішев кәсіпкер Азат Әбішевтің ұлы болып келеді.
33 жастағы қазақ жігіті Лондондағы Malvern колледжін, кейін университет бітірген. Сондай-ақ қалалық Westminster City council атқарушы органына мүше болып енген. Ол ірі брендтермен жұмыс істейтін Blue Swallow Group маркетинг агенттігіне иелік етеді. 2015 жылы әлеуметтік жобаларды қолдайтын жеке қайырымдылық ұйымын да құрған. 2024 жылы Сент-Джеймс аудандағы Консервативтік партияның жергілікті филиалының басшысы болып, қоғамдық жұмыстарға белсенді араласып келген.
