Қазақ боксшылары World Boxing кубогында топ жарды
Астанада өтіп жатқан World Boxing Әлем кубогында Қазақстан ұлттық құрамасының спортшылары жоғары нәтижелерге қол жеткізді, деп хабарлайды Ақорда.
АСТАНА, NEGE. Назым Қызайбай, Махмұд Сабырхан және Бекзат Нұрдәулетов өз салмақ дәрежелері бойынша алтын медаль иегері атанды. Ал Нұрбек Оралбай финалда есе жіберіп, күміс жүлдені қанағат тұтты.
Бұған дейін турнирдің қола жүлдесін Сағындық Тоғамбай, Аида Әбікеева және Айдана Забынбекова жеңіп алған болатын.
Халықаралық деңгейде ұйымдастырылған бұл турнир Олимпиада алдындағы маңызды рейтингтік жарыс саналады.