«Қазақ аруы-2024» байқауының жеңімпазы анықталды
13 қарашада Алматыда «Қазақ аруы - 2024» сұлулық байқауы өтіп, жеңімпаз анықталды.
Алматы, NEGE. Финалға 21 ару қатысып, 17 жастағы қызылордалық ару Ақкербез Ысқаққызы жеңімпаз атанды. Дауыс берушілердің 30,04%-ы Ақкербез Ысқаққызына дауыс берген.
Фото: @qazaqaruy.official
Осы жолы жеңімпазды халық дауыс беру арқылы таңдаған. Бұған дейін «Қазақ аруын» әділ-қазылар алқасы анықтайтын.
Байқауда екінші және үшінші орын Алматы қаласының арулары Ақерке Серікжан мен Назерке Мырзағалиеваға бұйырды.