«Қайрат» VS Real Madrid: матч трансляциясын қайдан және қашан көруге болады
Алматы, NEGE. Кездесудің трансляциясын Qazsport және Qazaqstan телеарналары көрсетеді. Qazsport арнасында ойынды Ербол Қайыров пен Ерсін Ерік, ал Qazaqstan арнасында Жандос Байділда мен Фархад Каналы жүргізеді. Матчтың басталуы Астана уақытымен 21:45-ке жоспарланған.
Еске салайық, топтық кезеңнің алғашқы турында “Қайрат” сырт алаңда португалиялық “Спортингке” 1:4 есебімен есе жіберсе, “Реал” өз алаңында француздық “Марсельді” 2:1 есебімен жеңген еді.
Алматылық “Қайрат” Чемпиондар лигасына қиын әрі қызықты жолдан өтті. Іріктеу кезеңінде команда словениялық “Олимпияны” (қос кездесуде 3:1), финляндиялық КуПС-ті (3:2) ұтып, содан кейін тартысты пенальти сериясында словактық “Слованнан” басым түсті (1:1, пенальти — 4:3). Шешуші плей-офф кезеңінде “Қайрат” шотландиялық “Селтикпен” кездесіп, тартысты ойынның соңы тағы да пенальтиге ұласты (0:0, пенальти – 3:2).
Ол кештің басты қаһарманы қақпашы Темірлан Анарбеков болды — ол сенсациялық түрде үш соққыны қатарынан қайтарды. Бір тәулікте оның Instagram-дағы оқырмандарының саны 100 мыңнан астамға артқан.
