Қайрат Сатыбалды элиталы қонақүйін мемлекетке сыйлаған
Қайрат Сатыбалды Алматыдағы Есентай өзенінің жағасында орналасқан қонақүй ғимаратын мемлекетке сыйға тартқан.
Астана, NEGE. Мүлікті беру Қаржы министрлігі Мемлекеттік мүлік және жекешелендіру комитетінің бұйрығы негізінде сыйға тарту шарты бойынша ресімделген.
«Қазақстан Республикасы азаматы Қ.Сатыбалдыұлы мен департамент арасында Алматы қаласы, Бостандық ауданы, Көктем–3 ықшамауданы, 22-үй мекенжайында орналасқан жылжымайтын мүлікке қатысты 2023 жылғы 1 тамызда № 15 сыйға тарту шарты жасалды», – делінген департаменттің Власть басылымына берген ақпаратта.
2023 жылғы қыркүйекте қонақүй республикалық меншікке өтіп, Сот әкімшілігінің Алматы қаласы бойынша департаментінің балансына өткен.
