«Қайрат» пен «Реал Мадрид» ойынына билеттерді бүгін кешке сатып алуға болады
Бүгін, 23 қыркүйек күні, Алматы уақытымен сағат 17:00-де алматылық «Қайрат» пен испаниялық «Реал Мадрид» арасындағы Чемпиондар лигасы матчының билеттері онлайн сатылымға шығарылады.
Алматы, NEGE. Ұйымдастырушылардың хабарлауынша, билеттер тек электронды түрде ғана Ticketon сайты, сондай-ақ Ticketon және Qairat Superapp қосымшалары арқылы сатып алуға болады.
Стадион кассаларында сату қарастырылмаған.
Сатылым басталардан бір күн бұрын секторлар бойынша бағалар жарияланды:
-
Батыс трибунасы (орталық, шатыр астындағы орындар) — 250 000 теңге
-
Шығыс трибунасы — 150 000 теңге
-
Солтүстік және Оңтүстік трибуналар — 75 000 теңге
-
Батыс трибунасы (төменгі 1–9 секторлар, алаң жиегі) — 30 000 теңге
Билет сатып алу кезінде әр билет иесінің телефон нөмірін, электрондық поштасын, ЖСН немесе төлқұжат деректерін, сондай-ақ төлем картасының мәліметтерін енгізу қажет. Бір қолданушыға екі билеттен артық сатып алуға рұқсат етілмейді.
Кезекке алдын ала тұру мүмкін емес электронды кезек дәл 17:00-де басталады.
Төлем жасалған соң сатып алушыға ваучер жіберіледі, ал матч басталардан 6 сағат бұрын электронды билеттер SMS арқылы келетін сілтеме арқылы қолжетімді болады.
