«Қайрат» футзалдан Чемпиондар лигасының финалдық кезеңіне шықты
Алматының «Қайрат» командасы футзалдан Чемпиондар лигасының финалдық кезеңіне шықты, деп хабарлайды ҚазАқпарат.
Алматы, NEGE. В тобында қазіргі кезде алматылықтар 6 ұпаймен көш бастап тұр.
Франциялық «Этуаль» хорватиялық «Футзал Динамо» командасын 4:3 есебімен жеңгеннен кейін «Қайраттың» мерзімінен бұрын финалдық кезеңге шыққаны белгілі болды.
Екі турдан кейін «Этуальда» - 3, «Футзал Динамо» мен «Олмиссум» командаларында 1 ғана ұпайдан бар. Бірінші турда «Қайрат» «Этуальды» 4:2 есебімен жеңгендіктен, алдағы ойындардың нәтижесі ештеңені шешпейді.
Алматылықтар өз тобындағы соңғы кездесуін «Футзал Динамо» командасымен өткізеді.
Чемпиондар лигасының жартылай финалына «Қайраттан» басқа қалған үш топтың жеңімпазы жолдама алады.