22 Желтоқсан 13:32
...
«Қайрат» футбол клубы құрамына португалиялық шабуылшы қосылды
«Қайрат» футбол клубы құрамына португалиялық шабуылшы Жорже Габриэль Кошта Монтейру қосылды.
Алматы, NEGE. Ол үлкен футболда жанкүйерлерге Жоржиньо деген лақап атпен танымал. Келісімшарт 2026 жылғы маусымының соңына дейін жасалды.
Биыл 27 жасқа толған оның бойы 169 сантиметр болса, салмағы 65 келіні құрайды.
Португалиялық «Брага» клубы академиясының түлегі өз елінде «Селейруш», «Мерелиненсе», «Фафе», «Санжуаненсе», «Певидем» командаларында ойнаған.
Былтыр форвард люксембургтік «Дифферданж 03» клубына ауысып, екі маусымда тамаша ойын көрсетті. 2023/24 жылғы маусымда 32 матчта 28 гол гол соқса, 5 нәтижелі пас берді. Ал 2024/25 жылғы маусымда 19 матчта 17 голдың авторы атанып, 10 мәрте әріптестерінің гол соғуына көмегін тигізді.
