1 Наурыз 14:20
...
«Қайрат» ФК-ның дәрігері бомба туралы әзілдеді: іс сотқа жіберіледі
Көліктегі полиция департаменті «Қайрат» футбол клубының дәрігері Дастан Тұралиевке қатысты сұраққа жауап берді.
Астана, NEGE. 28 ақпанда «Астана – Алматы» рейсіне тексеру кезінде жолаушы тыйым салынған заттардың бар-жоғы туралы қойылған сұраққа қалжыңдап өзінде «бомба» барын айтқан.
Полицияның хабарлауынша, жолаушының қол жүгін және жеке заттарын тексеру барысында ешқандай қауіпті немесе тыйым салынған зат анықталмаған.
Ұсақ бұзақылық дерегі бойынша көлік полицейлері әкімшілік хаттама толтырды. Іс процессуалдық шешім қабылдау үшін сотқа жолданады.
