Екі бірдей қазақ футболшысы Чемпиондар лигасында гол соқты
Данияда өткен «Копенгаген» – «Қайрат» ойыны 3:2 болып жергілікті команданың жеңісімен аяқталса да, бұл матч қазақ футболы үшін маңызды болды. Өйткені осы ойында «Қайрат» академиясының екі жас тәрбиеленушісі қатарынан гол салды.
Астана, NEGE. 81-минутқа қарай алматылықтар «Копенгагеннен» 0:3 есебімен ұтылып жатқан.
Алдымен «Қайраттың» 17 жастағы шабуылшысы Дастан Сәтпаев дат қақпашысы Доминик Котарскиден допты іліп алып, қақпаға дәл бағыттады. Бұл оның өзі үшін де, Қазақстан үшін де тарихи сәт болды: ол осы турнирде гол соққан алғашқы қазақ атанды.
Сонымен қатар Сәтпаев Чемпиондар лигасы тарихында гол соққан ең жас футболшылардың үштігіне енді. Гол соққан кезде оның жасы 17 жас 110 күн еді. Одан жоғары тек Ансу Фати (17 жас 40 күн) мен Ламин Ямал (17 жас 68 күн) ғана тұр.
Артынша 20 жастағы Олжас Байбек дәл соққымен есеп айырмасын қысқартты.
Қорытынды есеп - 2:3.
Қазір оқып жатыр
Маусымдағы жағдай бойынша республикалық бюджет тапшылығы 1,7 трлн теңге болды
Ақтөбе облысында жүзден астам адам уланып қалғаннан кейін қылмыстық іс қозғалды
Перизат Қайраттан тәркіленген тағы бір Mercedes сатылымға шығарылды
Көкшетауда жүргізуші куәлігінсіз адам қағып кеткен әйелдің жазасы кейінге қалдырылды
