Қайрат Боранбаевтың компаниясы БАӘ мен Қытай нарығына шығады
Кәсіпкер Қайрат Боранбаевтың Food Solutions компаниясы БАӘ мен Қытай нарығына шығуды жоспарлап отыр.
Астана, NEGE. Боранбаев бұл туралы Алматыдағы Shanyraq бизнес-форумында мәлімдеді, – деп жазады «Ручная экономика» арнасы.
Оның айтуынша, бүгінгі күні Food Solutions компаниясының бренді бойынша 25 мейрамхана жұмыс істейді және жылдың соңына дейін тағы төрт мейрамхана ашу жоспарланып отыр.
«Біз экспансияны әрі қарай жалғастырамыз. Үлкен келісімшартқа дайындалып жатырмыз және ірі франшиза дайындап жатырмыз, сол арқылы халықаралық нарықтарға да шығуды көздеп отырмыз. Мен Дубай мен Қытайды меңзеп отырмын», – деді кәсіпкер.
Food Solutions компаниясы 2016 жылдан бастап Қазақстандағы McDonald’s бренді желісінің операторы болған. 2022 жылы McDonald’s жеткізу мәселелері салдарынан Қазақстандағы барлық мейрамханаларының жұмысын тоқтатты. 2023 жылы «Food Solutions KZ» ЖШС брендтен шығатынын жариялап, мейрамханаларды I'M деп қайта атады.
Қазір оқып жатыр
«Жасанды тыныс алу аппараты болмаған»: Қарағандыда бүлдіршіннің өліміне қатысты тексеріс жүргізіледі
Алматының Әл-Фараби даңғылында жарыс ұйымдастырған жүргізушілер жауапқа тартылды
Астанада Умраға жоқ жолдаманы сатып, 17 қажыны алдаған алаяқ сотталды
Астанадағы өрт салдарынан қаза тапқан 3 баланың анасы есін жиды
